जीन्स का शौक़ राखण आली
आज साड़ी की सोचण लागी
पिज़्ज़ा बर्गर खावण आली
आज रोटी पोवण लागी
काल तक जो बावळी सी बात करे थी
आज वा साणी साणी बात करण लागी
जीन्स का शौक राखण आली
आज साड़ी की सोचण लागी
माँ गेल्या मांग कर्ण आली छोरी
आज बिंद के नाम की मांग भरण लागि
भाण भाई ते लडण आली छोरी
आज नन्द देवर का ख्याल कर्ण लागी
जीन्स का शौक़ राखण आली
आज साड़ी की सोचण लागी
राहुल जाटूगाँव-नांगल चौधरी, हरियाणा
